Posted in poem

May Ako Kaba?

Nagkaroon kanaba ng ibon?

Ng aso?

Ng pusa?

Ng pagong?

 

O ng kahit na anong nilalang na inari mo noon bilang paslit;

na humahabol sa iyo sa kahit saan ka mag-suot at magpiit;

ng nilalang na walang ninais kundi ang makalaro ka at hawakan mo ng mahigpit;

ng nilalang na gustong ang bawat ingay mo’y naririnig?

 

Nagkaroon kanaba ng bagay na humihinga na ang tingin sa’yo ay daigdig?

Daigdig na dahilan ng pagsulpot ng lahat ng bagay sa paligid;

Daigdig na kumukulong sa lupa at sa langit;

Daigdig na walang kaparang dinadaig?

 

Nagkaroon kanaba ng dalangin?

Dalangin na lagi mong sinasambit sa gabi;

Dalangin na inaabangan mong dumating;

Dalangin na  gustong-gusto mong makamit?

 

Nagkaroon kanaba ng ako?

Ng ako na inari mo noon na parang paslit;

Ng ako na humahabol sa iyo sa kahit saan ka mag-suot at magpiit;

ng ako na walang ninais kundi ang makalaro ka at hawakan mo ng mahigpit;

ng ako na gustong ang bawat ingay mo’y naririnig?

 

Nagkaroon kanaba ng ako?

Ng ako na ang tingin sa’yo ay daigdig?

Dahil ikaw dahilan ng pagsulpot ng lahat ng bagay sa paligid;

Dahil ikaw ang kumukulong sa lupa at sa langit;

Dahil sa akin wala kang kaparang dinadaig?

 

Nagkaroon kanaba ng ako?

Ng ako na lagi mong sinasambit sa gabi;

Ng ako na inaabangan mong dumating;

Ng ako na  gustong-gusto mong makamit?

 

At kung ako ay dumating?

Sa anyong hindi mo mapapansin

Ituturing mo parin bang daigdig?

Iisipin mo bang nasagot na ang iyong dalangin?

 

At kung ako ay dumating

Sa katauhang taliwas sa iyong nais

Hahawakan mo parin ba ng mahigpit

Ang kamay ko ng katulad ng paghawak ng isang paslit?

 

At kung ako ay dumating

Na iba ang bihis

Ako ba’y mapapansin?

O dadaanan mo lang ng mabilis at sandaling tingin?

 

Mahal

Palagi mo sanang tatandaan,

Na kahit kailan ay hindi iikot pabalik ang daigdig,

Kung ako man ay palalampasin, hinding hindi kita lilingunin

 

Sapagkat Mahal

 ‘wag mo sanang kalilimutan,

Lahat ng dalangin ay sinasagot,

Ngunit hindi lahat ay maaari mong makamit

 

Dahil mahal,

Alam kong alam mo, at alam natin itong pareho

Na mas kailangan mo ng ako,

Kesa kailangan ko ng ikaw

© Gia Marie 2016

Advertisements

Author:

Daughter of Poseidon l Teacher l Playbacker l Theater Enthusiast l Poet l Playwright l Cat Lover l Cat

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s